Species of Mangutangay!

Sure gyud ko nga nameet napud ni ninyo nga klase sa mga tawo. Maskin pa’g pobre ka, nakasulay na gyud ka nga utangon imong kwarta. Kay ikaw pud, buotan kunuhay, nagpahulam pud aron ingnon. Suuuuuuuuuus! Ayaw kabalaka kay usa pud ko sa giutangan ug nangutang. Maigo pud ko’g apil ani. Mao ni sila ang mga maayo kaayo mangutang.

Dili ni about 5-6 ha. Or any lending business. Kana lang manghulam sa inyong para sud-an unta para ugma. Hahahaha

Una: Mutunong sa sabot

Kani sila. Mao ni ang lami pautangon. Idol nako ni sila. Kay kon mubayad, mutunong jud sa sabot. Usahay, advance pa gani, naa pay pasobra. Maskin pa’g magbalik-balik ug utang walay problema. Dili parihas aning mga baga’g nawong nga nagsunod ani nga lista

Ikadula: Naulaw Kunohay

Kani na!. Mao ni sila ang mga mangutangay ang ang first sentences kay “Daoy, naa unta koy tuyu nimo ba. Maulaw man ko muingon oy.” With smiling face pa gyud na ha. Pero inig paninglan na, baga na kaayo ug nawong. Dili na maulaw muingon nga nagasto daw nila ilang kwarta. Kalami ra laplapan sa aping.

Ikatulo: Paluoy-luoy Effect

Kiniiiiii! Mao ning mga mangutangay nga mga nangamatyan. Kung mangutang, daghan kaayo ug tragic stories nga giandam. Namatay ilang lola, bisan dugay na ganing’ namatay… Naligsan ilang manghod… Pangtungluhon na tanan apil pa ilang self. Nagsulat pa kag tragic nga book, makakwarta pa ka.

Dayon, ini’g ikaw na’y maningil, ikaw na nuon ang luoy kaayo. Kay wala na kay sud-an, unya sila nagJollibee. Makaingon nalang ka’g “Maayo unta’g matinuod nga mahospital ka oy, dayon mamatay imong mama.” Makahimo pa ka’g dautan tungod ani nila. Hahahahaha

Ikaupat: Mura’g nagbilin ug Kwarta

Mao ning mga mangutangay nga kung mangutang, dili pabalibad. Kabalo tanan sa kwarta nga naabot sa imo. Ilang mga sentence kay “Asa man diay to imong gikobra kagahapon?” “Kadako nimo’g sweldo!” “Dili gyud ko mutoo nga wala.” Ini’g tingilan na. Wala na, finish na. Nangawagtang na. Dili na ma reach. Out of coverage nas’ ante ug angkol. Ambot asa na gibutang sa ginoo. Hahahahaha

Ikalima: Paasa

Kini silaaaah! Mao ni ang mangutangay nga kusog kaayo muhatag ug date kanus-a nila bayaran. Pahulam pud ka, kay maayohon lage. Hahahaha Nagplano pa ka. “Ay! Bayaran na man ko ni [insert the litse here] karong [insert date nga giingon sa litse]. Palit ko ani.” Unya ninglapas nalang ug pila ka bulan sa ilang gi ingon, wala pa gihapon kabayad. Daghan na dayon kaayong pasumangil. Unya ang imong gibudgetan, wala na finish na, nasold out na. Luoy biya pud. Pautang pa. Hahahahahaha

Ikaunom: Barkada

Amegow/Amegah! Bayad na oy. Hahahahaha. Idol gyud nako ni sila! Kanang mangutangay nga magsalig. Kay lage barkada mo, pahulmon jud nimo kay dako pud ka’g. Naa ani nila ang tanang gimention sa taas. Combination pa gani diay. Pero ang pinakaworst… [‘pinaka’ na gani, ‘worst’ pa] dili mabayaran. Maskin ‘Thank you, oy’, wala. Dili kabalo mubayad. Gasige ra mo’g kita, halos kada adlaw pero wala gyud ka tunol maskin piso. Kalami duklon.

Ayaw sige’g salig friend, kay dugay na ra ba naimbento ang ‘friendship over’ nga word. Basin ma ‘unfriend’ kas’ real life. Hahahahaha.

Mao ra man akong mahuna hunaan oy. Pero sure jud ko nga daghan pa jud ni sila. Wala pa gani siguro ko kaencounter sa uban. E comment nalang sa ubos aron makabalo pud ko. hahahahaha Kanang with feelings ha aron bibo. Good night. Mwuah

P.S.: Bayari na tong imong giutangan aron dili ka maawayan. Hahahahaha

Worth Sharing? Spread this on...

Posted by Rubien Charcos

Photographer (with no camera) • Blogger (with no computer) • Traveler (with no money) • Writer (with no experience)

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.